التوبة مش بس ركعتين

بسم الله الرحمن الرحيم ... وبه نستعين ،،،

يقولوا: البدايات المُحرِقة تؤدي إلى نهايات مُشرِقة

فعلى قدر تعبك في البداية ... سينصلح حالك في الطريق

وبدايتنا إن شاء الله هتكون مع ......... التوبــــــــة

[ندعوك للتسجيل في المنتدى أو التعريف بنفسك لمعاينة هذه الصورة]

طيب أتوب من أيه؟

هقولك توب من كل شيء يغضب الله جل وعلا.

هتقولي وأتوب ليه؟ ........

هقولك علشان تحقق لنفسك السعادة والفلاح والنجاة

{وتوبوا إلى الله جميعًا أيهَ المؤمنون لعلكم تُفلِحون} [النور:31]

ممممممممم حاسس إنك بتقولي: أتوب من كل شيىء ... بس في حاجات بعملها مش غلط أوي

وكمان بصراحة .... انا بحبها وبكون مبسوط جدًا وأنا بعملها!!!

حبيبي في الله صلي على النبي -صلى الله عليه وسلم-

كتير مننا وهو بيعصي ربنا بيحس بسعادة وهمية مؤقتة ... وأساسًا هي مش سعادة

والدليل ... لو شوفت واحد بياكل تراب ويترك أحلى الطعام ... هتقول عنه أيه ؟

هل هتقول التراب لذيذ ؟؟!!؟ ولّا هتقول إن الشخص دي مريض ومحتاج علاج؟!

فالمعاصي والذنوب مش لذيذة ولا حاجة ...

بس إحنا اللي قلوبنا فسدت علشان كده مش حَسّين بسوء المعاصي والذنوب ...

وصدقني لو تبت وتركت ما كنت تفعله من معاصي صغيرة أم كبيرة هتحس بالفرق كبيــر قد أيه ...

إذاً المشكلة كما يقول مشايخنا هي "عدم أهلية المحل"

المحل "أي القلب"، غير مؤهل "أي غير صالح"

فإحنا مهمتنا هي صناعة قلب جديد ....... وهذا لا يكون إلا بالتوبة

والتوبة مش بس ركعتين ودمع ومناجاة وندم في ساعة وينتهي الأمر

التوبة معناها ... إنك هتفقل صفحة حياتك السابقة وتقلع بذورها من قلبك،

وستفتح صفحة لحياتك الجديدة وتزرع بذورها في قلبك.

التوبة ... قرار هتاخده .. وخطة هترسمها .. وطريق هتمشي فيه ..

التوبه معناها ... إنك ستجاهد وستتعب ... وسنتجح إن شاء الله

التوبه ممكن فيها تنتكس وترجع شوية للخلف ... لكن أبدًا مش هترجع عن قرارك.

يقول بن القيم: "منزل [التوبة] أول المنازل وأوسطها وآخرها..

فلا يفارقه العبد السالك ولا يزال فيه حتى الممات ..

فالتوبة هي بداية العبد ونهايته .. وحاجته إليها في البداية ضرورية كما أن حاجته إليها في النهاية كذلك".

علشان كده بدايتنا هتكون بالتوبة .. هنشوف مع بعض معنى التوبة وازاي نتوب؟

وأيه هي العقبات التي تقف بيننا وبين ربنا سبحانه وتعالى؟ وكيف نزيل تلك العقبات؟

وأيه هي أركان التوبة؟ وكيف نثبت عليها؟

فمرحلتنا القادمة في حملتنا مهمة جدًا .... فهي بمثابة الأساس من البناء

وكل ما يكون الأساس متين ... كل ما هيشيل أدوار أكثر ويكون أثبت .

وكما اتفقنا في البداية نحن مجرد خيط نور ندلك على الطريق وإشاراته

وأنت عليك إنك تمشي في الطريق وتبحث وتتعب وتجاهد

ومتنساش {إن معي ربي سيهدين}

ومتنساش إن معاك ضمان طول العمر .... وهو صحبة هتلاقسها ديمًا جنيك

وقبل ما أسيبك أنقل لك بعض كلمات التائبين من كتاب "العائدون إلى الله" لمحمد المسند:

نعم لقد كنت ميتًا فأحياني الله ولله الفضل والمنة. [الشيخ أحمد القطان].

كما أصبحت بعد الإلتزام أشعر بسعادة تغمر قلبي فأقول بانه يستحيل أن يكون

هناك إنسان أقل مني إلتزامًا أن يكون أسعد مني ولو كانت الدنيا

كلها بين عينيه. [فتاة كانت تعمل في عالم الأزياء].

قوم وصلي ركعتين لله سبحانه وتعالى وقل : اللهم تب عليّ توبةً ترضى بها عني.

اخى محمد بجد موضوع مهم وهادف جزاك الله الف خير على موضوعك الهادف

اللهم اغفر لنا ولاخواننا واعفوا عنا واجرنا من عذاب النار

:<>: :<>: :<>:

اختى الغاليه انغام اشكرك من كل قلبى على ردك كلا منا يجتهد على ينير الطريق للاخرين