كحل الظلااااام...

كحل الظلام
جيت اسـأل الليــل لــمّا طــوّل غـــيابك
وهـلّت دمـوع السحـاب وبلّـت احــداقي
واخــذت كحل الظلام وجيت لاهــدابـك
أشـوف هي حنّة اغصانك على اوراقـي
ملـّيت وانــا انتظـــر طاريك وعــتابــك
حــتى غـــلا شـارع الأشواق باعمــاقي
يقـــول .. كــل الجفا هــذا من اســـبابك
ما يدري اني بــري من طــعم خـــفّاقي
مايدري انّـك قـفلت مْـن الــزعل بـــابك
ورقّصــت نار الغلا في نـوتة احــراقي
وعــزمت حزن القصــيد ونـام بكــتابك
واخــذت للـــبرد مــنّي بشــت مشـراقي
والخيمه اللي بنت لي من على هضـابك
عرّضــتها للهبــوب .. ومــزّع اوراقـي
وعقدت لي حجاجك وكشّرت لي نــابك
وجرّدتني من غــلاك وضاقت اخـلاقـي
جـــيت آتشــفّــع بمــعســولك وعنّــابـك
وبغصــنك اللي تركـت القلب له ســاقي
يكــفي ترى ما تحمّــل طـــولة غـــيابك
يكفي زعــل كان لك في خافــقي بـــاقي

""""
""
"

[ندعوك للتسجيل في المنتدى أو التعريف بنفسك لمعاينة هذه الصورة]


""""