بنحبك يامــــبارك نعم للحرية والديمقراطية والاستقرار

بنحبك يا مبارك ، نعم لمبارك نعم للحرية و الديمقراطية و الاستقرار

السلام عليكم ورحمة الله و بركاتة

يا جماعة لازم كلنا نقول نعم لمبارك

الراجل ده عيشنا 30 سنه فى امان و فى حرية و فى ديمقراطية

الراجل ده قدملنا خدمات كتير مكناش نحلم بمستشفى سلطان الاطفال

مكناش نحلم بمصانع مكناش نحلم اننا نعيش 30 سنه من غير حروب

كفاية ان السيد الرئيس محمد حسني مبارك متخلاش عنا زي ما كتير عملو

حد يقولى مين البرداعي ده ده عميل لاسرائيل و نازل يقول ارحل يا مبارك

بالزمة فى راجل عاوز يبقي ريس ينزل يقول لرئيس الجمهورية ارحل

البرداعي بيقول هعيشكم فى حرية حرية ايه حرية البرشام و الخمرا و الحشيش علني

انا بقول الكلام ده و طالع من جوايا بنار يا جماعة نفسي تفهمو

ان لو حسني مبارك مشي بجد هنبقى فى خراب مصر هتبوظ

محدش يجي يقولى انو بيصدر غاز لاسرائيل

يا جماعة لازم يكون فى معونة زي ما بيدي بياخد بيدي لاسرائيل غاز بناخد منهم سلاح

بنصدر لبلدان تانية رز و قطن علشان بنزرعو و عندو منو كتير بندي و بناخد منهم اللى مش موجود عندنا

يا جماعة لازم نبقي ايد واحدة حسني مبارك راجل حمانا و بجد جزمتو فوق راسي و بجد انا بحترم الراجل ده جــــــــداً

يا جماعة والله انا بكتب الكلام ده بدموعي الراجل ده ميستهلش كدا مينفعش يمشي و هوه متهان

ارجوكم اقفو معايا و عاوزين نخلي الشعب كلو يفهم الراجل ده ايه و لو غلط مفيش انسان مش بيغلط

يا جماعة كفاية انو قال انا مش هسيب شعب مصر يداس علية لو حد غير مبارك مسك الحكم

مصر مش هتبقى بتعتنا بجد هتبقى بتاعت الانجليز فاكرين العراق زي ما صدام حسين مشي

و الناس دلوقتى بتقول بتمني يوم من يومك يا ريسنا و مفيش بيت فى العراق مش حاطت صورتة

بجد مش عاوزين نضيع حاجه فى ادينا الراجل ده ربنا بعتهولنا علشان يحمينا

موضوع: كلام ممتاز الخميس فبراير 03, 2011 1:05 pm

أؤيدك الرأي يا حنين وكلام صحيح بنسبة كبيرة جداً وبعدين المفروض ننتظر الوضع يستقر ونحكم على الحكومة الجديدة بعقلانيه وليس بهذه الهمجية التي نراها في الشوارع.

كلامك مظبوط يا اختى لما الشعب يكون بدون قائد رح يكون لقمه سهله فى ايدى الاعداء ربنا معكم والله الدنيا كلها خايفه عليكم من الفتنه